عطرك يعرفك
مسح الحساب
حسابك إلك — تكدر تمسحه بنفسك من داخل التطبيق بأي وقت.
آخر تحديث: أيلول ٢٠٢٦
هذي الصفحة تخص تطبيق «نوتات»
نوتات تطبيق عطور عراقي. هنا نشرح شلون تمسح حسابك من نوتات، وشنو ينمسح وشنو يبقى بعد المسح.
خطوات المسح من داخل التطبيق
افتح نوتات ← تبويب «حسابي» (آخر تبويب باليسار بالشريط السفلي) ← نزّل للأسفل ← اضغط «امسح حسابي» ← أكّد. بعدها التطبيق يطلب يتأكد إنك إنت: كلمة سرّك إذا حسابك بالإيميل، أو نافذة كوكل أو آبل إذا دخلت بضغطة وحدة. أول ما تأكّد، الحساب ينمسح فوراً وما تحتاج تنتظر ولا تراسل أحد.
شنو ينمسح نهائياً
إيميلك واسمك ورقم موبايلك وحسابك نفسه · عناوين التوصيل والملاحظات اللي كتبتها بطلباتك · إشعاراتك · رمز جهازك المستعمل للإشعارات · عدّاد أسئلة المستشار. هذي تنمسح ساعة ما تأكّد المسح، بدون مدة احتفاظ.
شنو يبقى وليش
سجل الطلبات القديمة يبقى عدنا للمحاسبة، بس بلا صاحب: بدون اسمك وموبايلك وعنوانك وملاحظتك — يعني ما يدل عليك. والطلب اللي ما انرسل بعد ينلغي تلقائياً وترجع قنينته للمتجر.
متى ما يصير المسح
إذا عندك طلب انرسل خلال آخر ٧ أيام، المسح ينتأجل لحد ما يوصلك الطلب — حتى نكدر نوصّله ونتواصل وياك إذا صار شي. استنى يوصل وبعدها امسح. وحسابات فريق نوتات ما تنمسح من التطبيق.
بياناتك اللي بموبايلك
نتيجة اختبار الذوق ونقاط تحدّي الأنف تبقى بموبايلك بعد المسح (هي مال الجهاز مو مال الحساب)، وعربتك تنفرغ. كلها تنمسح إذا شلت التطبيق.